Atxetako Dia supermerkatuan lapurreta egin dute

Aitor Aspuru Saez 2012ko azaroaren 19a

Goizeko lehen ordutan, 08:00tan, lapurreta izan da Atxetako Dia supermerkatuan (Arrankudiaga-Zollo). Ertzaintzak adierazi duenez, aurpegia estalita zeramaten bi lapur sartu dira eta arma batekin apuntatu dituzte langileak. Eskumuturrak lotu eta gero komunean sartu dituzte, orduan dirua hartu eta ihes egin dute.

Goizeko lehen ordutan lapurreta izan da Dia supermerkatuan. Dirudienez, lapurrek arma batekin apuntatu dituzte langileak eta eskumuturrak lotu eta gero komunean sartu dituzte. Ertzaintzak eta Dia supermerkatuaren arduradunek momentuz ez dute adierazpenik egin.

Goizean zehar polizia ugarik inguratu du eraikina eta lapurren bila aritu da. Supermerkatua miatu ostean ertzain gehienek alde egin dute eta gutxi batzuk ikerketekin jarraitu dute. Lapurtuak izan diren langileak komisaldegira joan dira haien lekukotza emateko.

Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide