Itziarren Semeak, Enkore eta DJ Bull arituko dira Pilotakadaz Pilotakada presoen aldeko jaialdian
Erredakzioa
2017ko api. 19a, 20:39
Hego Uribeko Etxerat taldeak antolatu du apirilaren 29rako, larunbata. Elkartasun ekimenak aldarrikapena, jaia, kirola eta musika uztartuko ditu.
Hego Uribeko Etxerat elkarteak Arrankudiaga hautatu du Pilotakaz Pilotakada jaialdia gauzatzeko. Ekimenaren helburua da euskal preso politikoen eta iheslarien egoera salatzea, eta horretarako zenbait ekintza prestatu dute.
Berez, egitaraua egun osokoa izango da. 10:30ean pilota partidak abiatuko dituzte eta 13:30ean finala jokatuko dute.
14:30ean ekitaldi politikoaren txanda helduko da eta 15:00etan herri bazkaria egingo da. Txartelek 15 euro balioko dute eta langabetuentzat eta ikasleentzat 12 eurotan salduko dituzte.
16:00etan bertsolariek izango dute protagonismoa eta 19:00etan Txokonedituak taldeak joko du. 21:00etan Itziarren Semeak eta Enkore igoko dira oholtzara eta gaua DJ Bullen musika emanaldiak itxiko du.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
