Arrankudiaga-Zolloko Matxinkorta mendi taldeak ekaineko txangoa aurkeztu du. Oraingoan pirineoak izango dituzte helmuga, Sallent de Gallegoko inguruak, hain zuzen. Ekainaren 17an eta 18an egingo dute irteera. Bidaiaren prezioa 30 eurokoa izango da bazkide helduentzat, eta 35 eurokoa gainontzekoentzat. Umeek, aldiz, 20 edo 25 euro ordaindu beharko dituzte bidaiagatik. Izena emateko epea ekainaren 8an bukatuko da. Prezioaren barnean sartu dute autobusa eta aterpetxea.
Apuntatzeko matxinkortataldea@gmail.com helbidera edo Facebook kontura idatzi behar da, edo Ekilore dendara bertaratu.
Asteburuko plana
Larunbatean 11:30ean aterako da autobusa Arrankudiagatik. 16:00ak aldera espero dute iristea, eta arratsaldean ibilaldi laburra egitea da asmoa. Biharamunean, 21 kilometroko ibilaldia proposatu dute Matxinkrotakoek. Aurreratu dutenez, 17:30ean aterako dira Huescatik Aiaralderantz.
Sallent de Gallegora asteburupasa antolatu du Matxinkortak
Matxinkorta Mendi taldeak pirineotara ibilaldia egingo du ekainaren 17ko asteburuan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide