Behark arkitekto taldeari esleitu dio Arrankudiaga-Zolloko Udalak Oxinburu birgaizteko egikaritze-proiektua idazteko kontratua. Eraikin hori guztiz berritzea da asmoa, herriko jarduera sozial eta kulturaletarako baliatzeko. Hainbat espazio eta ekintza barnebilduko ditu etxeak: nagusientzako espazioa, sukaldea, ariketa fisikoa egiteko txokoa, ikasgelak, batzar gelak eta ekitaldi jendetsuak egiteko erabilera anitzeko aretoa.
Behark taldeak aurkeztu du dagoeneko esleipena gauzatzeko beharrezko dokumentazio guztia, eta laster ekingo dio oinarrizko proiektua eta egikaritze plana diseinatzeari, udalak jakinarazi duenez. Gauzak hala, tokiko erakundeak aurreikusi du obrak datorren urtearen hasieran hastea.
Aurkezpen publikoa
Aurreproiektua herritarrei plazaratzeko aurkezpen publikoa egingo dute datorren igandean, urriak 22an. 11:30ean izango da zita, eskolan. Galdetegi txiki bat emango diete bertaratzen diren auzokideei, egitasmoaren inguruan duten iritzia plazaratu dezaten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
