Herriko bideen inbentarioa egin nahi du Arrankudiaga-Zolloko Udalak. Sendoa S.L enpresa kontratatu du horretarako tokiko erakundeak, lana zortzi hilabeteko epean egin dezan. Horrez gain, bilera irekia egin zuten atzo, egitasmoa herritarrei aurkezteko. Proiektuaren nondik norakoak eta prozesuaren lan metodologia plazaratu zituzten bertan.
Tokiko erakundearen arabera, hainbat motatako bideak barnebilduko ditu inbentarioak: “ibilgailuentzako bide nagusiak direnak zein tradiziozko zoladurarik gabekoak eta oinezkoentzakoak hartuko dira kontuan”. Azaldu dutenez, “metodo historiko-geografikoa” baliatuko da bideak identifikatzeko. Prozesu “parte-hartzailea” izango dela nabarmendu dute, “auzokideen zein interesa duten guztien parte hartzeari hasieratik amaierara irekita egongo dena”. Gauzak hala, aurkezpen publikoak, alegazioak aurkezteko epeak eta bestelako baliabideak erabiliko dituzte prozesuan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.jpg)