Abuztuaren amaieran jakinarazi zuten ikasturte berriko lehen irteera Matxinkortakoek: Isaba-Belagua. Urriko hirugarren astebururako prestatu dute bidaia, asteburu osoko zeharkaldia. Larunbat eguerdian abiatuko dira Arrankudiagako plazatik, 17:00etan Isabatik Belabartzera joateko. Zehaztu dutenez, 9.1 kilometroko zeharkaldia da. Aterpetxean afalduko dute, eta bertan egingo dute lo.
Biharamunean, urriaren 21ean, bi ibilbide mota proposatu dituzte. Batetik, laburra, 3.9 kilometrokoa; eta, bestetik, luzea, 13.4 kilometrokoa. Zirkuitu motza hautatzen dutenek 2.044 metroko Arlas mendia izango dute helburu, eta gainontzekoek Auñamendi (2.509m). Igandean 17:00etan itzuliko dira Arrankudiagara.
Informazio gehiago eskuratzeko matxinkorta@gmail.com posta elektronikora mezua bidali daiteke, edota Ekilore dendan galdetu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
