Interneteko arriskuei buruzko hitzaldia eskainiko du Ertzaintzak bihar

Txabi Alvarado Bañares 2018ko urriaren 18a
Deskargatu Info Ahotsak :

Mugikorrean aritzerako orduan egon daitezkeen arriskuak landuko dituzte, besteak beste. / Kaiera.eus

Ramon Azkue kultur elkarteak antolatu du solasaldia, gurasoak informatzeko. Bihar -urriak 19- izango da zita 18:00etan Udaltaldeko lokalean.

Interneten topatu daitezkeen arriskuei buruzko hitzaldia antolatu du Ramon Azkue kultur elkarteak Arrankudiaga-Zollon.

Bihar izango da solasaldia 18:00etan Udaltaldearen lokalean. Ertzaintzak eskainiko du saioa, eta gurasoei bideratuta egongo da: “Gure seme-alabek 8-9 urterekin mugikorra dute dagoeneko. Instagram eta Facebook bezalako sare sozialak ere erabiltzen dituzte, eta ez dugu tresna horien gaineko informazio askorik”, azaldu du Urtzi Vergarak.

Gauzak hala, balizko arriskuen inguruan informatzea izango da saioaren xedea, elkarteko kidearen hitzetan.  

Hitzaldi gehiago
Honakoa ez da Ramon Azkue kultur elkarteak antolatu duen lehen hitzaldia. “Iragan astean kontzertu ekonomikoari buruzko solasaldia antolatu genuen”, azaldu du Vergarak, “gure asmoa da urtean interes orokorreko 1-2 hitzaldi antolatzea”.

Hezkuntza Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide