Bigarren urteurrena ospatzeari ekingo dio Matxinkorta mendi taldeak. Igandean izango da urtemuga ekitaldia, eta mendi ibilaldia zein txitxiburduntzia egingo dituzte.
Ohi bezala, bi ibilbide proposatu dituzte, laburra eta luzea. Zeharkaldi handian parte hartuko dutenek 8:30ean egon beharko dute herriko plazan. 11 kilometroko bidea osatuko dute, 750 metroko desnibelarekin. Hala, Pagobakarra, Goikogane eta Kamaraka zapalduko dituzte, Basakoetxen biltzeko eguerdi aldera.
Txango laburra hautatzen dutenek, aldiz, 5.5 kilometro izango dituzte zain, 326 metroko desnibelarekin. Matxinkortako kideek azaldu dutenez, Albitzarri, Lupetzeta, Matxinkorta eta Basakoetxetik igaroko dira. "Basakoetxen txitxiburduntzia antolatuko dugu, urteetan zehar auzolanean aritu direnei omenaldia...". Aurreratu dutenez, kantaldia ere izango da.
Bigarren urtemuga ospatzeko txangoa antolatu du Arrankudiagako Matxinkorta mendi taldeak iganderako: pic.twitter.com/ztllvgJwVp
— Aiaraldea.eus (@aiaraldea) 2019(e)ko urtarrilaren 14(a)