Hitzaldia eskainiko du Juan Jose Ibarretxek Arrankudiagan datorren ostiralean, urtarrilak 25. Udaletxeko areto nagusian izango da zita, 19:00etan. Ramon Azkue kultur elkarteak antolatu du solasaldia.
Kultura da gakoa. Euskadi en el mundo izango da hitzaldia izenburua. Nazioarteko egoera ekonomiko eta politikoa izango du hizpide Ibarretxek. Horrez gain, hainbat gako emango ditu, “Euskadi nazioarteko agendan kokatzeari begira”, antolatzaileen esanetan.
“Giza garapen jasangarria” eta berdintasuna ere izango ditu mintzagai lehendakariak, “ bi elementu horiek funtsezkoak izan direlako Euskadik azken 40 urteetan bizi izan duen aldaketa sakonerako”. “Kultura eta identitatea” eraldaketa horretan berebizikoak izan direla defendatuko du Agirre Lehendakaria Center zentroko zuzendariak.
Bertaratuko direnentzako oharra
Antolatzaileek eskatu dute, ahal dela, interesdunek plazan aparkatzea eta ibiltzen gerturatzea udaletxera, “aparkatzeko arazoak daudelako bertan”.
Arratsaldeko zazpietan izango da zita udaletxeko areto nagusian, Ramon Azkue fundazioaren eskutik. Politika, ekonomia eta kultura izango ditu hizpide Ibarretxek.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide