Anbotora txangoa eta eskalada ikastaroa izango dira Matxinkortako martxoko ekintzak

Erredakzioa 2019ko martxoaren 17a
Deskargatu Info Ahotsak :

Anie mendian izan ziren udazkenean, besteak beste. / Matxinkorta

Martxoaren 24an izango da Urkiolako txangoa. Eskalada ikastaroa ere egingo dute bazkideentzat.

Martxoaren 24an egingo du hurrengo irteera Matxinkorta mendi taldeak. Anbotora joango dira mendizaleak, Urkiola parke naturalera. Ohi bezala, bi ibilbide proposatu dituzte: laburra eta luzea. 8:30ean aterako dira Arrankudiagako plazatik, eta bazkalostean itzuliko dira herrira: 

Horrez gain, eskalada ikastaroa antolatu dute elkartekideentzat Oron. Sare sozialetan zabaldu dituzte 2019ko irteera guztiak, hilabetero bi jarduera eskainiko dituzte. Apirileko txangoetarako La Arboleda eta Via Ferrata bat aukeratu dituzte.

Ohi bezala, izena emateko Ekilore dendara jo beharko da, edota matxinkorta@gmail.com helbidera zein Facebook kontura mezua bidali.

Kirola Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide