Ganekogortan aztarnategi megalitikoa dagoen ikertu beharra dagoela uste du Arene Kultura Elkarteak

Aitor Aspuru Saez 2019ko mar. 22a, 10:33
Deskargatu Info Ahotsak :

Arene Euskal Kultura Elkarteak ikerketak egin ditu bere kabuz Ganegokorta mendiko Arrabatxu zelaian eta adituekin hitz egin ostean, ondorioztatu du indusketak egitea beharrezkoa dela jakiteko bertan dauden harri multzoek aztarnategi megalitikoa osatzen duten.

Arene Euskal Kultura Elkarteak iritzi du erakunde publikoek indusketak bultzatu behar dituztela Ganekogorta mendiko ingurutan. Harri multzoak ikertu ditu Arrankudiaga-Zolloko elkarteak Arrabatxu zelaian, 950 metroko altueran, eta euren susmoa da aztarnategi megalitikoa izan daitezkeela.

Elkarteko kideek erreferentzia gutxi topatu dituzte aurkikuntza horiei buruz, eta hainbat gunetan cromlechak eta mugarriak izan daitezkeen harri lurperatuak aurkitu dituzte. Hasteko, arraroa iruditu zaie mendizaleek ezagutzen duten leku horri buruz informazio gehiago ez egotea.

Arene elkarteko kideak adituak ez direnez, Arrabatxura jo zuten Juan Carlos Lopez Quintana "Tana" arkeologoarekin. Horren ostean, bi hipotesi garatu dituzte. Euren aburuz, harri multzo lurperatuak artzainen egonlekuak aztarnak izan daitezke, baina ezinbestekoak dira indusketak zehazteko XV. edo XVI. mendekoak diren edo, kontrara, historiaurrekoak diren.

Kasu batean zein bestean, Arene elkarteko kideek aldarrikatu dute erakundeek esku hartu behar dutela aurkikuntzaren garrantzia neurtzeko.

Kultura Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!