Arrankudiaga-Zolloko Trail lasterketaren VIII. edizioan parte hartzeko inskripzio epea ireki dute

Aitor Aspuru Saez 2019ko irailaren 4a

Helduek zein umeek parte har dezakete Arrankudiaga-Zollojo Trail lasterketan./ Aiaraldea.eus

Antolatzaileek aurreratu dute irailaren 21ean izango dela proba eta kirolariak animatu dituzte, izena eman dezaten.

Arrankudiaga-Zolloko Trail lasterketaren VIII. edizioari ekingo diote irailaren 21ean 16:30etik aurrera. Bi ibilbide prestatu dituzte horretarako. Luzeak 14 kilometro izango ditu eta laburrak, ordea, 6 kilometro. Aurreko urteetan bezala, umeek ere korrika egiteko aukera izango dute eta adinka banatuko dituzte.

Lasterketan parte hartzen dutenen artean opariak zozketatuko dituzte eta proba bukatu ostean jai giroa nagusituko da. Alde batetik, askaria prestatuko dute. Bestetik, Nafarroa Kanta Taldea eta Patx&Run bandaren emanaldiak egongo dira.

Izena ematea

Trailean aritzeko antolakuntzak bi helbide elektroniko zabaldu ditu: euren bloga eta beste hau. Bigarren estekan irailak 6 aurretik eginez gero lehen inskripzioa 5€ ordainduko dituzte interesdunek, eta 20a baino lehen osatzekotan 7€.

Kirola Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide