Santo Domingoko baselizaren historia ezagutzeko jende ugari batu zen urte amaieran

Hirurogei lagun inguru elkartu ziren Andra Mariko elizan Txomin Egiluzen azalpenak entzuteko bertako eta Santo Domingo baselizari buruz.

Santo Domingo baselizaren inguruan egindako ikerketaren emaitzak partekatu zituen Txomin Egiluzek urte bukaeran eta, horretarako, Andra Mari elizan abiatu zuten ibilbidea.

Bertako harzolako sekretua argitzen hasi zen, harriek udalerriko mapa baitute. Gero, Santo Domingoko ermita zegoen lekura jo zuten, eta eraikin horren historia jasotzeko Kepa Barañanok landutako harria inauguratu zuten.

Izan ere, Santo Domingoko baselizak Madalenako ermitaren arrastoak zituen. Eraikuntza berriek horien aztarna guztiak ezabatu zituzten eta herritar batek gorde zuen bere etxean mugarria.

Txomin Egiluzek harriduraz hartu zuen jende ugarik parte hartzea ibilaldian eta, besteak beste, herrian zegoen mojen komentua ere izan zuen hizpide. Amaitzeko hamaiketakoa izan zuten.

Argazkiak: Txomin Egiluz

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide