Gerra Zibilean fusilatutako 2.650 pertsonen omenezko memoriala inauguratuko dute Valladoliden, arrankudiagar bat tartean

Carmeneko hilerriaren irudi bat. / Iglesias de Valladolid (Flirckr)

Angel Egaña Mendibil Valladoliden fusilatu zuten 1938ko ekainaren 2an Francoren kontra borrokatzeagatik. Omenaldiaz aparte, hobi komunetan aurkitutako 245 gorpu ere lurperatuko dituzte.

Datorren otsailaren 16an Gerra Zibilean frankistek Valladoliden hil zituzten 2.650 pertsonen omenezko memorial bat inauguratuko da hiriko Carmeneko hilerrian. Haien artean dago Angel Egaña Mendibil gudari arrankudiagarra. Era berean, 2016 eta 2017 urteetan zehar hainbat hobi komunetatik berreskuratutako 245 gorpu lurperatuko dituzte ere.

Arrankudiagako gerran fusilatutako hiru gudarietako bat izan zen Egaña, Padura batailoiko kidea baitzen. 1938ko ekainaren 2an hil zuten Valladoliden. Beste biak Gregorio Urkixu eta Ramon Azkue izan ziren. Urkixu “separatista” izatea egotzita erail zuten Derioko hilerrian 1937ko abuztuaren 4an. Azkue, berriz, Santoñan exekutatu zuten 1937ko urriaren 15ean, Eusko Gudarosteen buruetako bat izatea egotzita. Herriko beste hainbat gudari ere hil ziren borrokan zeudela.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide