aiaraldea.eus

Ekintzaz beteriko hilabetea izango du Arrankudiagako Gizarte Etxeak

Erabiltzailearen aurpegia Julen Solaun Martinez   Jendartea  Arrankudiaga-Zollo

Aratusteak, Kaitin Allenderen bakarrizketa eta espeleologia irteera izango dira programatutako ekintza deigarrienak.

Ekintzaz beteriko hilabetea izango du Arrankudiagako Gizarte Etxeak
Gizarte Etxeko aratusteetako irudi bat. / Aiaraldea.eus | Ikusi handiago | Argazki originala

Sei ekintza aurreikusi ditu Arrankudiagako Gizarte Etxeak otsailaren amaierarako eta martxorako: Aratusteak, sukaldaritza ikastaroa, elkartearen batzar nagusia, Matxinkorta Mendi Taldeak antolatutako espeleologia irteera eta Kaitin Allenderen bakarrizketa.

Lehenengo ekintza ostiral honetan bertan, otsailaren 21ean, izango da, Aratusteak ospatzeko jaia egingo baita. Urtero legez, afaria egingo dute partaideek eta aldez aurretik finkatutako gai baten inguruan mozorrotuko dira. “Munduko musika” izango da aurtengo gaia. Gainera, lan talde batek Gizarte Etxea girotuko du munduko musikaren inguruko apaingarriekin.

Bigarren ekintza sukaldaritza ikastaroaren hasiera izango da, otsailaren 26an. Astean behin emango da eta dagoeneko hamazazpi lagunek eman dute izena. Antolatzaileek nabarmendu dutenez, hogei norbanakorentzako tokia egongo da gehien jota.

Batzar Nagusia martxoaren 1ean egingo da. Urte hasierako inbertsioak izango dituzte hizpide bertan, Jon Garaio kideak adierazi duenez.

Martxoaren 22an Matxinkorta Mendi Taldeak espeleologia egiteko irteera egingo du. Azkenik, 27an, Kaitik Allendek Artistak eta kazetariak 1.0 bakarrizketa eskainiko du 20:00etatik aurrera.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa