"La Basu" rap abeslariak bideoklipa grabatu zuen igandean Txondor Gaztetxean eta Martxoaren 6an estreinatuko du
Aitor Aspuru Saez
2020ko mar. 5a, 08:58
Gerra diskoaren lehen bideoa izango da igandean sareratuko duen Sorginak abestiarena.
Igandea igaro zuen Elena Caballerok, La Basu abeslariak, Txondor Gaztetxean. Han grabatu zuen Sorginak kantarako bideoklipa hainbat lagunekin eta Martxoaren 6an, sareratuko du. Momentuz aurrerapena partekatu du:
Akelarre kantua Gerra diskoan argitaratu zuen 2019 amaieran, baina ez zuen ikus-entzunezkorik ekoiztu, Durangoko Azokan lana aurkeztean zentratu baitzen.
Orain, ordea, bideoklipak sortuko ditu, eta hau izango da lehenengoa. Berez, artistak hurrengo emanaldia martxoaren 28an eskainiko du Basauriko Gaztetxean, eta Okher abeslari laudioarrarekin partekatuko du oholtza.
Etxebarriko musikaria 90ko hamarkadan hasi zen rap musika ekoizten, baina etenaldi luzea egin behar izan zuen 2002an osasun arazoen ondorioz. 2013an itzuli zen plazara sortzaile gisa, eta geroztik 4 disko argitaratu ditu. Gerra izan da azkena. Aurten liburua ere argitaratuko du: Agnoia. Testuak bere biografia eta emakumezkoen eta raparen arteko lotura landuko ditu.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.