Matxinkortako kuoten zati bat elikagai bankura bideratuko dute

Izar Mendiguren Cosgaya 2020ko maiatzaren 16a

Aurten ekintzak bertan behera utzi eta gastuak txikitu dituztelako hartu dute erabakia. / Aiaraldea

Arrankudiaga eta Zolloko mendi taldeak moldaketak egingo ditu bazkidetzen sisteman, elkartasun ekimen gisa.

Koronabirusaren ondorioz nabarmen hazi dira krisi ekonomikoa eta soziala. Ondorioz, elkarteek ezin izan dituzte 2020an aurreikusi zituzten jardueretako asko garatu. Horren adibide da Matxinkorta mendi taldea, Arrankudiaga eta Zolloko kirol elkartea.

Sare sozialetan azaldu dutenez, aurtengo bazkideen kuotak elikagaien bankura bideratuko dituzte: "Aurten mendi irteeretan ez denez gastu handirik egin, aurrekontuaren zati bat elikagaien bankura bideratzea erabaki dugu, 250€ hain zuzen ere".

Horrez gain, egungo bazkideei 2021eko kuota "doan" eskainiko diete, Facebookeko kontuan aurreratu dutenez.

Kirola Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide