Kinkea zozketak 5.000 euro utzi ditu Arrankudiagan

Txabi Alvarado Bañares 2020ko maiatzaren 24a
Deskargatu Info Ahotsak :

Kinkea zozketako 5.000 euroko sarietako bat Arrankudiagako bizilagun bati egokitu zaio. / Aiaraldea.eus

Euskal preso politikoen senideen alde dirua biltzea da zozketaren xedea. 

Kinkea zozketak 5.000 euroko sari bat utzi du Arrankudiagan, Geuria.eus hedabideak jakinarazi duenez. Astelehenean egin zen zozketa, eta hainbat sari banatu ziren Euskal Herri osoan zehar: 20.000 euroko zati bat, 5.000 euroko hiru, 1.000 euroko hamabost, 500 euroko hogei eta 100 euroko 100 sari. 

Etxerat Elkarteak sortutako zozketa da Kinkea, eta euskal preso politikoen senideen alde dirua biltzea du helburu. Ekimen berezia da, lau zozketa egiten dira urtero (bana urtaroko), eta horietan parte hartzearen truke artelanen laminak ematen dira. 

Martxoaren 21ean egin nahi zuten udaberriko zozketa, baina maiatzera arte atzeratu behar izan dute, COVID-19a dela eta.  

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide