Aisialdiko jardueretarako begiraleen lan poltsa sortzeko deialdia plazaratu du Arrankudiaga eta Zolloko Udalak. Tokiko erakundeko kideek azaldu dutenez, umeentzako ekintzak antolatzeko asmoa dute udan, “baldin eta, gaur egun, COVID-19ak sortutako pandemia egoera dela eta, osasun agintariek baimena ematen badute”.
Lanaldia ekainaren 30tik uztailaren 17ra luzatuko da. “Egunean lau ordu, astelehenetik ostiralera”.
Lan-poltsa arautzeko plazaratutako dekretuan adierazi dutenez, aurkezteko hainbat baldintza bete beharko dira: 18 eta 30 urte bitarteko adina izatea, euskalduna izatea eta langabezian egotea, besteak beste. Udalerrian erroldatutako begiraleek lehentasuna izango dute, eta ikasketa zein tituluak ere puntuatuko dira.
Interesdunek ekainaren 23ra arte izango dute izena emateko epea, udaletxean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
