Irailaren 28ra arte egongo da Arrankudiaga-Zolloko Udalaren ikastaroetan izena emateko epea

Pilatesa egiteko aukera egongo da, besteak beste. / Migration Museum Project

Udalerrian erroldatutako jubilatu eta langabetuek %50eko deskontua izango dute. Ezingo da txandaz aldatu, COVID-19aren zabalpena prebenitzeko. 

Bost ikastaro eskainiko ditu ikasturte honetan Arrankudiaga-Zolloko Udalak: pilatesa, joskintza, areto dantzak, taila, eta luzatze-ariketak eta hipopresiboak. Bakoitzak bere ordutegi, baldintza eta prezio propioak ditu, baina denak hasiko dira urriaren 1ean, eta erroldatutako jubilatu eta langabetuek erdia baino ez dute ordaindu beharko. 

Irailaren 28an amaituko da ikastaroetan izena emateko epea. Udalaren webgunean (Arrankudiaga.org) topatu daiteke informazio guztia. 

Segurtasun neurriak

Udalak hainbat segurtasun neurri ezarri ditu ikastaroetan, COVID-19aren zabalpena ekiditeko. Parte hartzaile bakoitzak bere material propioa eraman beharko du, maskarak erabili beharko dira, eta derrigorrezkoa izango da saioa hasi aurretik eskuak garbitzea. Gainera, behin txanda batean izena emanda, ezin izango da txandaz aldatu.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide