19:00etan Arrankudiagako herritar batek topatu zuen ezezaguna bere etxebizitzan. Ustezko lapurrak ihes egin eta gero, poliziari deitu zion etxeko jabeak, eta Ertzaintzak gizonezko bat atxilotu zuen gero udalerrian bertan.
Poliziak jakinarazi duenez, atzo 19:00ak aldera arrankudiagar bat etxera sartu zen, “eta zaratak entzun zituen barruan”. Horren ostean, egongelara jo zuen eta han, ezustean, pertsona bat topatu zuen linterna eta bihurkinarekin. Antza, gizonezko arrotzak lan tresna baliatu zuen mehatxu moduan, eta gero ihes egin zuen.
112 telefono zenbakian deia jaso ostean, Arrankudiagan hasi zuten bilaketa Ertzaintzako zenbait patruilek, eta 20:00etan salaketaren deskribapenarekin bat egiten zuen 26 urteko gaztea identifikatu eta atxilotu zuten. Gaur epailearengana eraman dute, eta indarra baliatuta lapurreta egitea leporatu diote.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
