LEHIAKETA PUBLIKOA

Iberlandako taberna ustiatzeko pertsonen bila ari da udala

Txabi Alvarado Bañares 2020ko abenduaren 15a

400 euro ordaindu beharko dituzte hilero taberna ustiatzeagatik. / Aiaraldea.eus

Kontratutako pertsonek 8 urtez ustiatu ahalko dute azpiegitura.

Iberlandako taberna kudeatu eta ustiatzeko lehiaketa publikoa abiatu du Arrankudiaga eta Zolloko Udalak. Kontratuaren esleipena eskuratzen dutenek 8 urtez izango dute eraikina baliatzeko aukera, hilero 400 euro ordainduta.

Tokiko erakundeak azaldu du udalerrian erroldatutako pertsonek lehentasuna izango dutela lehiaketan. Abenduaren 18an -ostirala- izango da eskaintzak aurkezteko azken eguna. Udaletxean aurkeztu beharko dira, 8:00etatik 15:00etara.

Kontratazio prozesuaren oinarriak eta informazio gehigarria lortzeko ondorengo bide hauetako bat baliatu daiteke: udal bulegoak, 94 648 17 12 telefono zenbakia edo udala.arrankudiaga@bizkaia.org helbide elektronikoa.

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide