Arrankudiaga-Zollo inguruko mendietatik ibilaldia antolatu du Matxinkorta taldeak

Izar Mendiguren Cosgaya 2022ko urt. 28a, 08:20

Matxinkortako urteurrena ospatzeko eginiko txangoko talde argazkia. / Matxinkorta

Igandean -urtarrilak 30- izango da txangoa, Arrankudiagako plazatik abiatuta. Ibilaldi luzea eta laburra egongo dira.

Matxinkorta Mendi Taldeak ekintzak antolatzeari ekin dio, berriz ere. Azken urtean programak eten egin dituzte pandemiaren ondorioz, baina irteerak eskaintzen hasiak dira dagoeneko. Igandean, urtarrilaren 30ean, izango da urteko lehenbiziko txangoa, 9:00etan abiatuta. Arrankudiaga eta Zollo inguruko gailurretara joko dute, 14 kilometro inguru osatzeko asmoz.

Kamaraka eta Mugarriluze igoko dituzte ibilbide luzea aukeratzen dutenek, eta Ermualden elkartuko dira zeharkaldi laburrekoekin

Ibilaldi luzeak 750 metroko desnibela izango du, eta laburrak 550 metrokoa. Dena den, antzerako gainak zapalduko dituzte partaideek: Arrankudiagako plazatik Madalenara joango dira. Han, bereizi egingo dira bi taldeak. Zeharkaldi luzea egin nahi dutenek Kamaraka eta Mugarriluze igoko dituzte, eta zirkuitu motza hautatzen dutenek Ermualden gauzatuko dute hurrengo geldialdia. Hain zuzen, bertan elkartuko dira bigarrenez bi multzoak, eta Pagobakarratik plazarainoko bidea osatuko dute gerora. Oharrei dagokienean, hamaiketakoa azpimaratu dute: "bakoitzak bere txitxiburdintzia eraman dezala".

May be an image of Pertsona 1, aire zabalean eta text that says 'MENDI IBILALDIA URTARRILAREN 30A, DOMEKA IBILBIDE LUZEA: 14,1 km, +750m Plaza Madalena Mugarriluze Kamaraka Santa Luzia Pagobakarra Plaza IBILBIDE LABURRA: 14 km, +550m Plaza Madalena Santa Luzia Pagobakarra Plaza ORDUA: 9:00etan plazan *Bakoitzak bere txitxiburduntzia eraman dezala. ተደትይያናም'

Kirola Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide