'Kanporamartxo' eguna ospatuko dute domekan Arrankudiaga eta Zollon

Izar Mendiguren Cosgaya 2022ko ots. 15a, 19:56
2020an ere egin zuten Kanporamartxo, Arrankudiaga-Zollon. / Aiaraldea.eus

Mendi ibilaldia eta txitxiburduntzia egongo dira, besteak beste. Bi ibilbide iragarri dituzte, baina zuhaitz landaketarekin bukatuko dute txangoa, Pagobakarran.

Kanporamartxo ospatzeari ekingo diote asteburu honetan Arrankudiaga eta Zollon. Zuhaitz landaketa egingo dute Pagobakarran (Arrankudiaga). Horretarako, mendi ibilaldia iragarri dute. Hain zuzen, 8:30ean abiatuko dira Arrankudiagako plazatik. Ibilaldi laburra eta luzea antolatu dituzte. 

Zirkuitu txikiak 2,9 kilometro izango ditu, eta 240 metroko desnibela. 10:00etan izango da txango horretarako irteera ordua. Izan ere, Arene auzotik Pagobakarrara igoko dira partaideak. "Pagobakarran zuhaitzak landatuko ditugu. Ordu erdiko jarduera izango da", azpimarratu dute. Hamaiketakoa egingo dute ondoren, "txitxiburduntzia". 

Ibilaldi luzeak, berriz, 15,4 kilometro izango ditu, eta 960 metroko desnibela. Zehaztu dutenez, Uribarri, Untzeta, Kukutza, Arakaldo, Alpitxu eta Pagobakarra gailurrak zeharkatuko dituzte mendizaleek. Hala, Pagobakarran elkartuko dira ibilbide laburrekoekin. Alabaina, 8:30ean aterako dira Arrankudiagako plazatik, ordu eta erdi lehenago. 

Ohitura handia dago Aiaraldean 'Kanporamartxo' ospatzeko. Besteak beste, Arrankudiagan eta Zollon, Laudion zein Orozkon antolatu izan dute azken urteetan. 

 

Kultura Arrankudiaga-Zollo

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide