Tradizioari jarraiki, abestera atera dira gaur goizean Arrankudiagako haurrak. Eguenzuri eguna ospatzen dute Inauterietako ostegunetan, eta ohitura da oilarra eskutan eskean ateratzea. Usadioari eutsi diote Arrankudiagako ikastetxean, eta aurten ere, ez dute hutsik egin:
Eguenzuri eguna ospatzen ari dira gaur Arrankudiagan eta Zollon. Ohiturari jarraiki, kantuan atera dira eskolako haurrak (Bideoa: Txomin Egiluz) pic.twitter.com/izifjd5fec
— Aiaraldea.eus (@aiaraldea) February 24, 2022
Urteak daramatzate haur zein irakasleek kalejira antolatzen. Ondorengoa da kantuaren letra:
Eguen zuri egune
kolore ederreko egune
mendi gainean lainu parduak
eta azpian eguzki zuria
Herri honetako neska-mutilak
zuen aurrera gatoz gaur
triparentzako eskatzen dogu
solomorik ahal badozu
Oilar gorria ta bai ederra
ta gure palu daukagu
honentzat ere eskatzen dogu
zeredozer ahal badozu
Etxeko andrie begire dago
zeruko aingeru dirudi
errukitu gugaz eta ahal badozu
ogerlekotxu bat emoiguzu
Orain hemendik bagoaz eta!!
agur hurrengo artian
agur hurrengo artian
osasun onagaz bizi. Eup!!