Arrankudiaga-Zolloko Udalak eta Bakiola Industriaguneko ordezkariek akordioa sinatu dute gaur elkarlana abiatzeko. Zehazki, Industriagunearen aldetik Amancio Iglesias lehendakariak eta Fidel Nistal jabeen komunitateko administrariak jarri dute euren sinadura hitzarmenean. Txutxi Ariznabarreta alkateak ordezkatu du Udala.
Adostu dutenaren arabera, Udalak 24.246,53 euroko diru-laguntza bideratuko du Bakiola Industriagunearen Hobekuntza eta Egokitzapenetarako Ekimen Planera eta, aldi berean, Ekintza Planean aurreikusita dauden jarduetarako ordenantza fiskaletan jadanik indarrean dauden hobariak mantentzeko konpromisoari eutsiko dio.
Bere aldetik, Industriaguneak adostu du Bakiolako enpresek euren lanpostuak betetzeko lan-eskaintzaren bat dutenean, horren berri emango diotela Udalari, lanpostu bakoitzaren ezaugarri zehatzekin. Horrela, erakundeak 15 eguneko epean herritarren artean zabalduko du lan eskaintza, aukera lehentasuna izan dezaten.
Horrez gain, jasotako dirulaguntzarekin egiten dutenaren berri emango diote industria eremuko arduradunek Udalari.