Eguen Zuri ospatu dute gaur

Aitor Aspuru Saez 2023ko ots. 16a, 21:00

Eskualdeko hainbat herritan galdu bada ere, osasuntsu irauten du Egun Zuriko ospakizunak Arrankudiaga-Zollo eskolako ahaleginari esker.

Eguen Zuriren abestia entzun da gaur Arrankudiagako hainbat txokotan, eskolako umeek auzune batetik bestera eraman baitute.

Ohitura horrek, aratusteen aurreko ostegunean ospatzen denak, umeen protagonismoa du. Hain zuzen, makilekin lurra joz, txikiek Eguen Zuriko abestia kantatzen dute dirua eskatzeko.

Antzina jakiak jasotzen zituzten, baina aspaldi dirua biltzeari ekin zioten. Ikasleek saskia, oilarra eta horren estandartea -Pedro Mari Bidania margolariak 1966an sortua- daramate gainean eta etxez etxe gelditzen dira abesteko.

Arrankudiaga-Zolloko eskolari esker iraun du ohiturak eta urtero ospatzen dute. Abestia honako hau da:

Eguen zuri egune
kolore ederreko egune
mendi gainean lainu parduak
eta azpian eguzki zuria
Herri honetako neska-mutilak
zuen aurrera gatoz gaur
triparentzako eskatzen dogu
solomorik ahal badozu
Oilar gorria ta bai ederra
ta gure palu daukagu
honentzat ere eskatzen dogu
zeredozer ahal badozu
Etxeko andrie begire dago
zeruko aingeru dirudi
errukitu gugaz eta ahal badozu
ogerlekotxu bat emoiguzu
Orain hemendik bagoaz eta!!
agur hurrengo artian
agur hurrengo artian
osasun onagaz bizi. Eup!!

Argazkiak: Txomin Egiluz

Kultura Arrankudiaga-Zollo Arrankudiaga

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide