ARGAZKIAK ETA BIDEOA

"Arrankudiaga-Zollon %70ak daki euskaraz, eta UEMAn sartzeak bultzada berria ekarri dezake"

Izar Mendiguren Cosgaya 2023ko martxoaren 28a
Deskargatu Info Ahotsak :

UEMA eguna antolatu zuten Arrankudiaga-Zollon igandean, udalerria euskararen arnasguneen mankomunitatean sartu dela ospatzeko. Ekitaldia, kale animazioa eta bazkaria izan ziren ekintza nagusiak.

Larunbataz geroztik UEMAko kide da Arrankudiaga-Zollo. Azpeitiko Soreasu antzokian egin zen 100 udalerriren langa ospatzeko nazio ekitaldia, eta bertan egon ziren Aiaraldeko ordezkariak ere. Izan ere, Arrankudiaga-Zollok UEMAn sartzea erabaki du, eta Orozkorekin batera bi udalerri horiek dira eskualdeko ordezkaritza bakarrak. 

UEMAko herri kide guztiek hartu zuten parte larunbateko ekitaldian, Azpeitian. Alabaina, Arrankudiaga-Zollok emandako urratsa ospatzeko festa eguna antolatzea erabaki zuten igandean Arrankudiagan. 12:00etan dultzaineroak ibili ziren herrigunea girotzen, eta 13:00etan izan zen ekitaldi nagusia. UEMAko kideek, Aiaraldeko Euskalgintza Kontseiluak eta Txutxi Ariznabarreta herriko alkateak hartu zuten hitza. Ondoren, gizarte etxean bazkaria burutu zuten; eta kantaldiarekin eman zioten amaiera egunari.

Argazkiak: Izar Mendiguren Cosgaya eta Txomin Egiluz

Euskara Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide