Maiatzaren 14an emitituko dute 'Herri Txiki Infernu Handi' programaren Arrankudiaga-Zolloko atala

Txabi Alvarado Bañares 2023ko apirilaren 30a
Deskargatu Info Ahotsak :

Iragan ostegunean egin zuten saioaren proiekzio eta grabaketa Arrankudiagako plazan, ehundik gora herritarren aurrean. 

Arrankudiaga-Zollo bisitatu du ETB1eko Herri Txiki Infernu Handi saioak. Iragan ostegunean egin zuten grabatutako elkarrizketen proiekzioa Arrankudiagako plazan, herritarren erreakzioak jasotzeko. Ehundik gora bizilagun bertaratu ziren Mikel Pagadi eta Miren Nogales aurkezleek eta Sebastian Lizaso bertsolariak dinamizatutako ekitaldira, eta barreak izan ziren nagusi proiekzio osoan zehar. 

Pagadi eta Nogalesek aurreratu dutenez, maiatzaren 14an emitituko da saioa ETB1en, 22:30ean. Udalerriko hainbat bizilagun agertzen dira saioan, Etxebarria aita-seme trikitilariak edota Itziar Duoandikoetxea alkate ohia, besteak beste. 

Arrankudiaga-Zollokoarekin, hiru dira orain arte Herri Txiki Infernu Handi saioak Aiaraldean grabatu dituen atalak. Aiaran egin zuten lehena, 2016ko urrian, eta handik bi hilabetera grabatu zuten Orozkokoa. 2020ko urrian, aldiz, Artziniegara bertaratu ziren.

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide