Txondor Gaztetxearen terrazak su hartu du gaur gauean eta eraikinaren zenbait zati kiskali dira

Erredakzioa 2023ko abuztuaren 20a
Deskargatu Info Ahotsak :

Ez da kalte pertsonalik egon eta oraindik ez dakite zerk sortu duen sua, Gazte Asanbladako kideek jakinarazi dutenez. 

Sua piztu da gaur gauean Arrankudiaga eta Zolloko Txondor Gaztetxean. Gazte Asanbladako kideek jakinarazi dutenez, 4:00ak aldera piztu da sua Gaztetxeko terrazan, eta terraza bera eta hori eusten zuen horma kiskali dira.

Suhiltzaileak bertaratu dira egoera bideratzera, eta garrak erabat itzaltzea lortu dute. "Kalteen tamaina guztiz begiratu barik dago, baina baina zorionez ez da kalte pertsonalik egon", azaldu dute espazioaren arduradunek, eta gaineratu dute datozen egunetan emango dutela egondako kalteei buruzko informazio zehatzagoa.

Asanbladako kideek nabarmendu dute oraindik ez dakitela nola sortu den sua. 

Argazkiak: Txondor Gaztetxea

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide