Funtzionatzen badu, zertarako aldatu? Seguraski, galdera hori egin diote Atxetako Jai Batzordeko kideek euren buruari aurtengo egitaraua prestatzerako orduan. Ohiko eskema eta ordutegiak mantendu dituzte, protagonismo berezia emanez haurrentzako jarduerei.
Gauzak hala, tailer, puzgarri eta jolasekin hasiko dute larunbat goiza, ohiko patata tortilla eta marmitako txapelketak ahaztu gabe.
Buruhandiak aterako dira bazkalostean, eta eskualdeko bi gonbidaturen txanda izango da gero. Urduñako Erauntsi dantza taldea bertaratuko da auzora, emanaldia eskaini eta dantza plaza dinamizatzeko. Ondoren, Bi Hotsak abesbatzak girotuko du iluntzea. Gaua animatzeaz, aldiz, FestSound DJa arduratuko da.
Igandean J.M Akustiken emanaldia izango da berrikuntza nagusia, gainontzeko jarduerek iazko eskema bera errepikatuko baitute. Arratsaldean Elvi bentrilokuoa igoko da oholtzara, iaz lortutako errakasta errepikatzeko asmoarekin. Azkenaurreko ekintza izango da berea, igel-toka txapelketarekin amaituko baitituzte jaiak.
EGITARAU OSOA
Irailak 14, larunbata
Goizean zehar baserriko produktuen salmenta egongo da
12:00 // Txupina
12:00 // Puzgarriak eta buruhandien tailerra
13:00 // Marmitako eta tortilla txapelketa
14:30 // Sarien banaketa eta bazkaltzera
16:00 // Makillajea, puzgarriak eta jolasak
17:00 // Buruhandiak
18:30 // Partyman Skaywalker umeentzako festa
18:30 // Txokolatada
19:00 // Dantza emanaldia eta dantza plaza Urduñako Erauntsi taldearekin
20:30 // Bi Hotsak abesbatzaren emanaldia
21:00 // Odoloste jana
22:00 // FestaSound DJ
Irailak 15, igandea
12:30 // Meza
13:00 // J.M Akustik
14:30 // Bazkari herrikoia eta bingoa
18:00 // Elvi bentrilokuoa
19:15 // XXXIII. Igel Txapelketa
20:00 // Igelaren sari banaketa