Urtebete genozidioaren hasieratik: zer aldatu da Palestinan hitzaldia eskainiko du Aitor Bikandik gaur 19:30ean Zolloko herriko tabernan.
Edonola ere, solasaldia iragarri ostean Libanon ere Israelek gerra piztu duenez, eta EHUko irakaslea herri horretan bizi izan zenez, horri buruz mintzatzeko aukera ere egongo da.
Hain zuzen, atzo Libano izan zuen ardatz soziologo laudioarrak Unai Ibarrarekin Bilbon, bihar 12:00etan hiriburuan egongo den manifestazio nazionalaren atarian. Bikandi ezkor agertu zen egoerari buruz eta gogoratu zuen 1980ko hamarkadan Israelek inbasioa egikaritu ez ezik, gerra zibila ere eragin zuela Ekialde Hurbileko herrialde horretan.
Gogoratu beharra dago Aitor Bikandi soziologoa dela eta tesia egin zuela Libanon bizi diren palestinar komunitateei buruz. Horretarako han bizi izan zen, bere historia aztertu zuen eta errefuxiatu kanpalekuak ondo ezagutu zituen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
