Gurutze Gorriak eta Alcampo enpresak Euskal Autonomia Erkidegoan zaurgarritasun egoeran dauden haurrak babesteko kanpaina egingo dute bihartik apirilaren 10era arte. Horren xedea da adingabeen elikadura hobetzea eta horretarako elkarlanean arituko dira bi erakundeak.
Ekimenaren funtzionamendua honako hau izango da: Alcampok 110.000 euroko ekarpena egin du eta aukera emango du bere kutxetan kanpainaren aldeko dohaintzak egiteko, 1, 3, 5, 10 edo 20 eurokoak izan ahalko direnak.
Gero, zaurgarritasun arriskuan dauden familiei txartel bat emango diete eta Alcampon bertan erabiliko dute elikagaiak erosteko.
Bihar eta etzi boluntarioak
Egitasmoaren berri emateko, Gurutze Gorriko boluntarioak bihar eta etzi egongo dira Alcampoko dendetan, Atxetakoa tartean.
Nhood eta Oney enpresek ere 3.000 euroko dohaintza egingo dute. Iaz EAEn 10.726 euro jaso zituzten herritarren ekarpenei esker.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
