'Boda en la aldea', Arrankudiagan girotutako Jose Arrueren lana

Aitor Aspuru Saez 2025eko urriaren 16a
Deskargatu Info Ahotsak :

Irudia eta identifikatutako herriko elementuak. / Edurne Ellakuria eta Txomin Egiluz

Edurne Ellakuria eta Txomin Egiluzek ondorioztatu dute artistak Arrankudiaga baliatu zuela Vida vasca aldizkariko azala margotzeko. 

Edurne Ellakuria eta Txomin Egiluz historiazaleek txosten txikia prestatu dute azaltzeko, euren ustez, Boda en la aldea Jose Arrueren margolanak Arrankudiagako herrigunea islatzen duela.

Hain zuzen, tokiko bost elementu identifikatu eta zerrendatu dituzte:

  1. Goikogane eta Kamaraka mendien tontorrak.
  2. Andra Mari elizako arkupea.
  3. Ramon Azkue eta Paula Solaunen etxea.
  4. Beatriz Etxebarria Etxanizen etxea, egun Gizarte Etxea dena.
  5. Rosario Agirreren taberna.

Ellakuriak eta Egiluzek argitu dute ezin izan dutela zehaztu nortzuk diren irudian agertzen diren herritarrak, Arrueren ohitura bizilagunak jasotzea baitzen.

Azala eta ez koadroa

Ikertzaileak Arrue familiarekin jarri dira harremanetan (Natividad Arrue bilobarekin, hain zuzen) eta horrek aipatu die Boda en la aldea ez dela koadro baten partea, baizik eta Vida vasca aldizkariarentzat 1957an propio egindako azala.

Kultura Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide