Porrotx izango da artista, gonbidatu eta omendua bihar Zolloko sanmartinetan. Izan ere, 17:30ean herrian ibiliko da trikitilari batek babestuta eta umeekin batera jaiak girotzeko, baina modu askean, eta ez ohiko ikuskizun batekin.
Txutxi Ariznabarreta alkateak azaldu zuenez Azalera magazinean, hainbat urtez (Takolo, Pirritx eta Porrotxen garaian) bisitatu zuen Porrotxek Zollo eta herrian egindako lagunekin egoteko, itzultzeko gogoak zituen.
Gauzak horrela, bihar iritsiko da eguna. Zollotarrek, berarekin gozatu ez ezik, bera omendu nahi dute ere. "Zollo zein inguruko haurrak bertaratzea espero dugu", aipatu du alkateak.
Pirritxek, Porrotxek eta Marimototsek lagun andana egin dute Aiaraldean eta urtero bisita finkoa dute Amurrion, Gabonen testuinguruan, baina Laudion, Faktorian bertan edota Artziniegan ere aritu dira azken urteetan maiz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
