100 urte bete dituen Milagros Salazar zoriondu du Arrankudiaga-Zolloko udalak

Aitor Aspuru Saez 2025eko abenduaren 30a
Deskargatu Info Ahotsak :

Milagros Salazar Abrisketa Arrankudiaga-Zolloko udal ordezkariekin, bere etxean.

Milagros Salazar Abrisketak Arrankudiaga-Zolloko alkatearen eta zenbait zinegotziren bisita izan du etxean, 100 urte bete baititu abenduan.

Arrankudiaga-Zolloko udal ordezkaritza politiko batek zoriondu zuen Milagros Salazar Abrisketa abenduaren 26an. Izan ere, emakumeak 100 urte bete zituen hilaren 12an eta herriko biztanlerik nagusiena da.

Hori dela eta, alkatea eta EH Bildu zein EAJko zenbait zinegotzik bisitatu zuten Arbiden, jaio zen baserrian bertan bizi baita. Udal ordezkariek herritar ororen izenean zoriondu zuten eta, lore-sorta ederra eraman ez ezik, urte luzez osasuna eta bizipoza ere opatu zizkioten.

Udalak azaldu duenez, Milagros Salazar Abrisketak etxekoen artean hartu zuen ordezkaritza, umoretsu eta esker ona adierazita. Halaber, bere bizitza luzeko hainbat istorio aipatuta, solasaldi polita izan zuten.

Jendartea Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide