Atzo arratsaldeko amaieran eta gaueko lehen orduetan Ertzaintzak Arrankudiagan esku hartze luzea -ordubete baino gehiagokoa- egin zuen tren geltokian, bereziki.
Poliziak berak Aiaraldea Komunikabideari atzo berretsi zionez, borroka baten ondoriozko operazioa izan zen eta hedabideak egiaztatu zuenez, gertakariak eragina izan zuen Renfeko zerbitzuan.
Izan ere, tren bat geldirik geratu zen herriko geltokian eta, hori dela medio, eskualdeko trafiko guztia burdinbide bakarretik bideratu behar izan zuten, atzerapenak sortuta.
Ertzaintzaren prentsa bulegoak iragarri dio Aiaraldea Komunikabideari oharra plazaratuko duela, informazio guztia biltzen duenean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
