Untzuetako gazteluaren iragan nafartarra balioan jarri dute beste urte batez. Larunbatean mendiko tontorrean elkartu ziren hainbat lagun oroitzeko defentsa egitura hori Nafarroako Erresumaren parte zela eta, ondorioz, euskal estatuaren aitzindaria.
"1512ra arte euskal estatua existitu zen, harik eta indarrez suntsitu zuten arte. Garai horretan burujabetasun politikoa erresumen bitartez islatzen zen eta Untzuetako gaztelua Erresuma Nafartarraren barruan zegoen", azaldu zuen Txutxi Ariznabarreta Arrankudiaga-Zolloko alkateak, zeinak hitza hartu zuen.
"Geroztik, borroka eta erresistentzia hari batek zeharkatzen du Euskal Herria, estatu independentearen aldekoa", amaitu zuen Ariznabarretak.
Argazkiak: Txomin Egiluz Sagastizabal