Amaitu dituzte Iberlanda eta Uribarri auzoak lotzen dituen bideko obrak, eta oinezkoen segurtasunean eragina izango dute nabarmenki, espaloiak, seinaleztapena eta argiteria hobetu baitituzte. Errepide osoa ere asfaltatu da.
Uribarriko bizilagun askok oinez egiten duten bidea da, tren geltokiarekin eta herriguneko bestelako zerbitzuekin lotzen baitu auzoa. Zati gehiena errepidetik egin behar zuten orain arte, espaloia oso laburra baitzen. Orain, treen geltokitik hasita bidean gora espaloi berria egin da eta luzatu egin dute.
Autopista gaineko zubian eta auzoko sarreran errepidea estutu egiten da eta oinezkoek eta ibilgailuek bidea partekatu behar dute ezinbestean. Orain, ordea, gune hori partekatua izango da, eta hori nabarmentzeko 20 kilometro orduko abiadura muga zehaztu da eta marra berde eta urdinez margotu dute lurra. Halaber, Udalak gogorarazi du tarte horietan erabiltzaile ahulenek dutela lehentasuna, oinezkoek, alegia.
Bidean egindako lanez gain, argiteria ere hobetu dute, instalazio berria eta farola kopuru handiagoa jarrita.
Orotara, obrak 456.985,90 euroko aurekontua izan du eta 59745,83 euroko diru-laguntza jaso da Bizkaiko Foru Aldunditik.
Maiatzean, Txutxi Ariznabarreta alkateak obraren nondik norakoak azaldu zituen Azalera podcastean: