GU TA KITTO koadrilako kideek proposatu zuten jaietan Gazteen Egun bat egitearen ideia. Aktiboki hartu dute parte antolakuntzan.
Honako emakume gazte hauek osatzen dute koadrila: Iratxe Antolin, Maria Gonzalez, Maria San Juan, Iratxe Perez, Oihane Sobrevilla, Nahia Carretero, Naroa Campo, Maddi Arribas, Ane Campo, Iraide Garay eta Fatima Bani.
Zergatik proposatu zenuten festetan Gazteen Egun bat egitea?
Konturatu garelako zaharrentzako eta umeentzako eguna badagoela, baina guretzako ez dagoela egunik.
Zuen ustez, zer falta da ba?
Gazteei begira festak ondo antolatuta daudela uste dugu, baina gure adineko pertsonentzako egun bat falta zela ikusi genuen.
Behin ideia proposatuta, nolakoa izan da antolatze prozesua?
Jai batzordeak asko lagundu gaitu ospakizun hau aurrera eramateko. Horrek asko erraztu digu lana.
Pozik zaudete emaitzarekin?
Bai, ekintza asko prestatu ditugulako eguna gazteontzako apropos izan dadin: ginkanak, musika, dantzak...
Koadrila moduan, zein da aurtengo jaiei begira duzuen helburu nagusia?
Ekintza guztietan parte hartzea eta ondo pasatzea. Hori izango da gure helburua festa guztietan.
Ikusi Artziniegako Jaietako EGITARAU OSOA.