aiaraldea.eus

Carlos Gutierrez korrikalari artziniegarrak Zallako AEAren aurkako 12 orduko proban parte hartuko du

Erabiltzailearen aurpegia Beñat Bilbao Larrory   Kirola  Artziniega
Carlos Gutierrez korrikalari artziniegarrak Zallako AEAren aurkako 12 orduko proban parte hartuko du

Hurrengo ekainaren 11n Alboko Esklerosi Amiotrofikoa gaixotasuna pairatzen dutenei elkartasuna adierazteko eta dirua laguntzeko 12 orduko ibilaldia antolatu dute Zallan eta bertan Carlos Gutierrez kirolari artziniegarra egongo da.

Hurrengo ekainaren 11an Alboko Esklerosi Amiotrofikoa gaixotasuna pairatzen dutenei elkartasuna adierazi eta dirua laguntzeko 12 orduko martxa antolatu dute Zallan eta bertan Carlos Gutierrez kirolari artziniegarra egongo da.

12 ordu menditik, AEAren aurka

Javi Zorrilla zallarrak sortutako ideia hau, AEA diagnostikatu eta orain gurpil-aulki batekin ibiltzen den lagun batengandik dator. Ideia aurrera atera bezain laster, Carlos deitu egin zuen bertan parte hartu zezan, artziniegarra gizarte bazterketa pairatzen dutenen alde 2.000 kilometro egiteko konpromisoa hartua zuelako, horrela Zallako martxan luzeera horretara gerturatu eta AEAren gainditzeko tratamendu baten alde dirua lortzen lagunduko du.

Carlos eta Javirekin bat, Jon Millan Azpigorri trail taldeko partaideak hartuko du parte korrika eta Iker Lezama txirrindulariak bere bizikletarekin beteko ditu 12 orduak.

Zallako Euskadi plaza, ekitaldi guztien erdigunea

Ibilbidea herriko inguruetako mendiak igotzean datza. Euskadi plazan hasi eta Ubieta igoko dute. Ondoren jaitsi, Ilso mendia igo eta berriz ere Zallara iritsiko dira. Guztira 23 km. izango ditu bira bakoitzak 1100 metrotako desnibelarekin eta 12 orduz egongo dira ibilbide bera egiten.

Nahiz eta proba goizeko 6tan hasi, edonork lagundu ditzake parte hartzaileak 12 orduetan zehar, batez ere, goizeko 10etatik aurrera. Lagun batzuk joango direla baieztatu dute mendizaleak laguntzeko, horren adibide, Oscar Pasarin errefuxiatuen alde abiatu duen kanpaina zabaltzeko.

Martxaz gain, Euskadi plazan ekintza ezberdinak izango dira. Udalak, erakunde eta saltoki askok lagundu dute proba aurrera atera dadin eta plazan hainbat gauza eskainiko diote bertaratutako edonori. Umeentzako tailerrak, informazio guneak, kirolarientzako atseden gunea eta beste hamaika gauza prestatu dituzte egunaz eta jaiaz gozatzeko.

 AEA, tratamendurik ez duen gaixotasuna

Martxaren helburu nagusia AEA (Alboko Esklerosi Amiotrofikoa) gaixotasuna zertan datzan zabaltzea da. Sendatzeko tratamendurik ez duen gaixotasuna da AEA eta bizi esperantza oso txikia izan ohi da.

Horrekin batera, gaixotasunari sendagai bat bilatzeko dirua batzeko aukera ere aprobetxatu nahi dute antolatzaileek. Alde batetik kontu-korronte bat ireki dute nahi duen orok bere diru aportazioa egiteko eta martxaren egunean bertan, Zallako Euskadi plazan, informazio eta diruz laguntzeko aukera izango da.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa