Urriak 30
Ostiralean Artziniega Museoan Animen Gaua ospatuko dute. Gau horretan, aintzinean eraikinean bizi ziren moja Karmeliten espirituak presente egongo direla adierazi dute Museoko gidariek.
Bisita mota hau egiten den lehen aldia da Artziniega Museoan eta antolatzaileek adierazi duten bezala, berezia izango da. Hala, eraikina erdi ilun egongo da ostiral gauean eta kriseiluez argituko dute.
Bisita gidatu normala egiten saiatuko dira eta Museoko gidariak zehaztu duten bezala, ez da izango susto handietako bisita, baizik eta bisitariengan larritasuna pizteko asmoa dute.
Nahiz eta bisita berezia izan, prezioa ez da moldatu. Parte hartzeko, hamabi urte baino gehiago edukita, Museoan izena eman behar da eta Museoko gidariek adierazi diguten bezala, leku gutxi geratzen dira.
Urriak 31
Larunbatean gastronomiaren txanda izango da: La Jarrilla Txokoak V. Putxera lehiaketa antolatu du Artekaleko plazan.
Goizeko 10etatik 11etara izen ematea zabalik egongo da eta txapelketan herriko pertsonek bakarrik izena eman dezakete. Sariak 14etan banatuko dituzte eta ondoren, parte hartzaileak plazan bazkaltzen geratzeko deia egiten dute parte hartzaileek.
Txapeldunek txapela jasotzeaz gain, putxera bat jasoko dute.
Azaroak 1
Igandean Erakusketa Mikologikoa ospatuko da goizeko 11tatik aurrera. Herriko frontoian erakutsiko dituzte eskualdeko onddo eta perretxikoak erakutsiko dituzte.
Aurten herriko frontoian egiten den bigarren urtea da, lehen goiko plazan egiten baizen.
Urtero bezala, gazta bat eta onddoz beteriko otarra zozketatuko dira. Zozketan parte hartzeko zenbakiak salgai egongo dira erakusketa iraun bitartean.