Iñigo Gomez Artziniegako alkateak bere facebook profilaren bitartez azaldu du ASK Chemical enpresaren kokapen berriak ez duela eragin handirik izango Artziniegan eta bi langileen egoerari bakarrik eragingo diola.
ASK Chemical-ek iragarri du bere ekoizpena Bilboko Portuan batuko duela. Ondorioz, Castro Urdiales, Idiazabal eta Artziniegako produkzioak bertara mugituko ditu.
Albistearen harira Artziniegako alkateak Clariant Iberica eta ASK Chemical-eko gerentearekin jarri da harremanetan eta horrek ziurtatu dio herrian Clariant Ibericarena dela jarduera gehiena eta horregatik bakarrik bi langileri -ASK Chemical-ekoei, alegia- eragingo diela erabakiak.
Hala ere, aste honetan bilera egingo dute enpresek eta udalak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide