Uztailaren 18a aukeratu dute aurten Peñalba Erronka berriz ere egiteko. Aurreko urtean ez zuten egin, baina, aurten Erretes Tudelako jaiekin batera egitea erabaki dute. Artziniegako Txirrindularitza Elkartea eta Ganzorrotz Mendi Taldea dira ekimenaren antolatzaileak.
Korrikalari zein txirrindulariek Peñalba tontorrera joan-etorria egin beharko dute.
Goizeko 11:00etan abiatuko dira Erreteseko plazatik. Korrikalariek 5 km-ko ibilbidea egin beharko dute, harrobiko pistatik igo eta jaitsiz. Txirrindulariak, ordea, behin tontorra igo direnean , Artietaraino joango dira eta handik Erretesera, guztira 7,300 km egiteko, Antolatzaileek adierazi dutenez, Ibilbidea oso azkarra da eta zailtasun teknikorik gabekoa. Hala ere, igoeran aldapa gogorrak dituela gaineratu dute.
Izen ematea
Izen ematea doakoa da eta egunean bertan egingo da irteera-puntuan. Lasterketa eta gero hamaiketakoa egingo dute plazan. Dena den, tontorrean edatekoa egongo dela ziurtatu dute antolatzaileek.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
