Udalbatza polemiko batean Iñigo Gomez jeltzalea hautatu dute alkate Artziniegan

Erredakzioa 2015eko ekainaren 12a
Deskargatu Info Ahotsak :

Iñigo Gomez hautatu dute Artziniegako alkate EAJ eta PPko bozei esker. Soka luzea ekarri du herriko alkatetza noren esku geratu behar zen eta azkenean jeltzaleek haien zerrenda aurkeztu dute, nahiz eta EH Bilduk boza gehiago lortu zituen udal hauteskundetan.

Iñigo Gomezek azaldu du EAJk atzo hartu zuela hautagaitza aurkezteko erabakia. Jeltzaleen ustez bere proiektua sendoena da eta babes zabala lortu dute hauteskundetan, arduraz gobernatzeko. Alkateak azpimarratu du gaur ez duela zorionik jaso nahi, lau urte barru baizik.

Iñigo Gomez hautatu dute Artziniegako alkate EAJ eta PPko bozei esker. Soka luzea ekarri du herriko alkatetza noren esku geratu behar zen eta azkenean jeltzaleek haien zerrenda aurkeztu dute, nahiz eta EH Bilduk boza gehiago lortu zituen udal hauteskundetan.

Jende ugari hurbildu da udalbatza aretora 09:00etan eta askok bere desadostasuna azaldu dute EAJko erabakiarekin.

Aste beroa

Artziniegako giro politikoa nahiko gaiztotu da aste honetan. Alderdiak hitzordu ezberdinetan elkartu dira eta EH Bilduk bileren inguruko informazioa plazaratu ostean EAJk bere jarrera salatu zuen.

Gatazka hauteskundetako emaitzen harira sortu da. EH Bilduk boza kopuru historikoa lortu zuen maiatzaren 24an, lehenengo aldiz EAJ gailenduz.

Hala ere, EAJ baino 11 boza gehiago ez zituen lortu koalizioak eta zinegotzi kopuru bera eskuratu zutenez, zilegitzat jo dute jeltzaleek haien hautagaitza aurkeztea.

Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide