Maiatzaren 17an, igandea, egingo du Artea Etnografi Elkarteak Artziniegako Jendaurreko Margo Sariaren XVIII. edizioa. Egunean bertan sortuta, Udalerriko bazterren bat islatzen duten 3 lan sarituko dituzte lehiaketan.
Ekitaldia goizeko 8:30ean abiatuko da eta artistek 10ak bitarteko epea izango dute izena emateko eta lanen zigiladura egiteko. Lanen aurkezpena berriz, 14:00etatik 14:30era burutu beharko dute. Edozein teknika erabiliaz sortutako lanak onartuko dituzte eta gehienez 100 zentimetroko neurria eta gutxienez 50 zentimetrokoa, edozein aldean, izan beharko dute.
Epaimahaiaren erabakia arratsaldeko 17:30ean iragarriko da eta aurkeztutako lan guztiekin osatuko den erakusketa ekainaren 22a bitartean izango dute zabalik Artziniega Museoan. 3 sari banatuko dituzte, 800, 600 eta 400 erokoak.
Lehiaketa eguna bitartean informazio gehiago behar dutenek Artziniega Museora jo dezakete.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
