Oier Lazkanok lortu du Aiara Birako lidergoa

Lan gogorra izan zuten atzo Artziniegan lehiatu ziren txirrindulariek Aiarako Biraren 3. etapan. Garabilako igoera eta Artziniegako harbidea lau alditan pasatu beharrak gogortasuna eman zion ibilbideari. Horrez gain, eguraldiak ez zion lagundu gazteen lanari. Ibilbide osoan euria eta hotza presente egon baitziren.

Artziniega, Ureta eta Lantenorako bide azkarra, laburra egin zen igoeratan desegiten zen tropela berriro elkartzeko.

Gorputza berotzeko hartu zuten lehenengo itzulia. Artziniegako pasaeran hasi zen mugimendua tropelan eta aurrekaldean berrogei inguruko taldea geratu zen. Handik, alde egin zuen Lantenoko bidean, “Bici Aranda” taldeko Mario Apariciok. 35” eta Garabillako mendateko mendi sariarentzako puntuak lortu zituen bere saiakeran baina helmugatik pasatu bezain pronto “The Bathco” taldeko bi txirrindularik eta jarraian tropel osoak harrapatu zuten.

Elkarturik amaitu zuten hirugarren itzulia baina berriro ere, Artziniegako harbidean, apurtu egin zen taldea. Aurrera jo zuten Erik Betanzos (Autonervion-Renault) eta Oier Lazkano (Zirauna-Iturribero ). Beraien atzetik Asier Pablo Glz (The Bathco) eta Asier Arnaiz (Arabarrak). 30 txirrindulariz osatutako multzoan lanean aritu zen Joseba Otaola liderraren taldea, baina bi taldekide baino ez zituen Amurriokoak eta ezinezkoa egin zitzaien ihes egindakoak harrapatzea.

Helmugaraino ailegatu ziren beraz aurreko bi txirrindulariak. Helmugan bigarren izandako Oier Lazkano, sailkapen nagusiko lider berriak, ez zion etaparen garaipena lehiatu Erik Betanzos-i. Biak garaile; etaparen garaipena batentzat eta lidergoa bestearentzat.

37” ra ailegatu ziren atzetik zetozen bi txirrindulariak eta hauek hamabi segundo gehiago atera zioten tropelari.

Ez zen izan Opticas Luyando-Ganzedo-Lezamauto taldeko eguna atzokoa. Asier Elorzak nahiz eta punturik ez lortu, mantendu egin zuen mendiko maillota.

Sailkapenak:

Etapa:

1. Erik Betanzos. Autonervion-Renault. 1:15:09

2. Oier Lazkano. Zirauna-Iturribero. Denbora bera

3. Asier Pablo Glz. The Bathco. 37”ra

4. Asier Arnaiz. Arabarrak. 39”ra

5. Joseba Otaola. Opticas Luyando-Ganzedo-Lezamauto. 49”ra

Sailkapen Nagusia:

1. Oier Lazkano. Zirauna-Iturribero. 3:39:37

2. Joseba Otaola. Luyando-Ganzedo-Lezamauto. 35”ra

3. Erik Betanzos. Autonervion-Renault. 41”ra

Mendiko sailkapena:

1. Asier Elorza. Opticas Luyando-Ganzedo-Lezamauto.

Tarteko helmugak:

1. David Piñera. The Bathco.

Taldeko Sailkapena:

1. The Bathco.

2. Opticas Luyando-Ganzedo-Lezamauto. 26”ra