Eskualdeko ikastetxeek aurre matrikulazio kanpaina abiatu dute eta horretarako bilerak antolatu dituzte.
Etxaurren Ikastolak 18:00etan deitu du bilera Luiaondoko Gizarte Etxean gaur. Amurrioko Aresketa Ikastola otsailaren 2an bi urteko umeen gurasoekin elkartuko da, 18:00etan Kilikolo Haur Hezkuntza Ikastetxean (Etxegoien 19). 2012an jaiotako haurren gurasoentzat otsailaren 4an izango da hitzodua, 18:00etan Aresketa Ikastolan.
Gainerako balizko ikasleentzat, Luiaondoko Gizarte Etxean bilera orokorra deitu du Aresketak otsailaren 3an 17:30ean.
Zaraobe Institutuak ateak irekiko die Artziniega, Amurrio, Urduña eta Aiarako ikasleei otsailaren 12an, osteguna, 18:00etan.
IES Laudio BHIko zuzendaritzak gauza bera egingo du otsailaren 4an 18:00etan. Amurrioko Lucas Rey ikastetxeak bihar, urtarrilaren 30ean, arratsaldeko 15:00etan, bilera antolatu du 2 urteko umeak matrikulatzeko asmoa daukaten gurasoekin.
Laudioko Latiorro ikastetxearen ate irekien txanda otsailaren 2an helduko da, 17:15ean eta Orozkoko eskolakoa otsailaren 3an, 16:30ean.
Otsailaren 5ean Lamuza Ikastetxeak nahi duen orori ongi etorria egingo dio 17:15ean. Laudioko Udal Heziketa Ikastetxeak martxotik aurrera asteazkenero goizeko 11:00etatik 13:00era arte irekiko ditu bere ateak eta Laudio Ikastolak, nahi duenari irekiko dizkio ateak nahiago duen unean, aurrez deitzen badu.