aiaraldea.eus

"Mendi lasterketan aritzeko Aiaraldean malda politak daude"

Erabiltzailearen aurpegia Izar Mendiguren Cosgaya  Artziniega
"Mendi lasterketan aritzeko Aiaraldean malda politak daude"

ZURIÑE FRUTOS (Artziniega, 1986) korrikalaria da. Areto futbolean hasi eta mendi lasterketak egiten bukatu du. Ez edonola gainera, Euskal Kopan hirugarren postua lortu du.

 

Gorbeia Suzien lasterketa ospetsuan hirugarren sailkatu zinen. Pozik,ezta?

ZURIÑE FRUTOS (Artziniega, 1986) korrikalaria da. Areto futbolean hasi eta mendi lasterketak egiten bukatu du. Ez edonola gainera, Euskal Kopan hirugarren postua lortu du.

 
Gorbeia Suzien lasterketa ospetsuan hirugarren sailkatu zinen. Pozik,ezta?
Ez nintzen Gorbeiako proban hirugarrena izan, Euskal Kopakoa baizik. Azken lasterketa izan zen Gorbeia Suzienekoa. Guztira 6 proba izan dira, horregatik zapaldu nuen podiuma Gorbeian. Hala ere, lasterketa txarra egin nuen, ez nengoen ondo, ahalik eta hoberen bukatu nituen 32 kilometroak. 

Euskal kopan parte hartzen duzun aurreneko aldia da, zelan daramazu?
Lehen proba apirilean izan zen, Urnietan. Gero etorri ziren Lakuntza, Bidarrai, Zumarraga, Olazti eta Gorbeia. Probintzia denetatik ibili naiz korrika. Kilometro gutxien zituen karrerak 21 izan zituen, eta gehienak 61.. Gutxi gora behera bi ordu behar dira horretarako, behintzat. Euskal Kopan eta mendi lasterketan lehengo urtea dut, orain arte errepidean ibiltzen nintzen korrika. 

Korrikalari gisa nolakoa izanda egin duzun ibilbidea?
Areto futbolean jolasten nuen, baina herriko taldea desagertu zen eta kirola egiten jarraitzeko korrika egiteari ekin nion, asfaltotik. Urte bat pasa nuen horrela, errepidetik korrika, tarteka lasterketa batzuetan hartzen nuen parte. Artziniegako lagun batek mendi lasterketak egitera animatu ninduen eta frogatzea erabaki nuen! Mendia gehiago gustatzen zait, bistak politagoak dira eta lasterketekin paisai ederrak ikusten dira.

Lasterketak denbora laburrean egiteko entrenamendu luzeak egin beharko dira, edo?
Bai, zerbait nahi baduzu behintzat! Hasieran lasai hasi ninten, frogatzeko helburuarekin. Hobetzeko orduak sartu behar dira, igandeetan entrenatzea barne, eta horretarako gauza batzuk utzi behar dituzu. Aiaraldean gainera horretarako malda politak daude. Ni Artziniegatik eta Urduñako mendizerratik ibiltzen naiz, mendi gogorrak entrenatzeko ondo datorkigu.


Aiaraldean ala kanpotik lehiatzea, zer duzu nahiago?
Kanpotik ibiltzea, beste leku batzuk ikusi eta ezagutzen dituzulako, nahiz eta kotxea hartu behar izan. 

Zein da zure buruari jarri diozun erronka?

Euskal Kopako denboraldia bukatu da. Orain lasai nago. Gorputzak deskantsua behar du. Martxoa-apirila aldean Euskal Kopa eta Espainiakoa hasiko dira. Agian datorren urtean hori frogatuko dut, "Ertza mendi kluba-Miribillako otsoak" klubean sartuta bainago eta karreretara norbaitekin joatea hobea da beti! Euskal Kopako oraingo irabazlea, Sandra Sevillano, nire klubekoa eta laguna da, eta agian harekin animatuko naiz Espainiakora!

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa