Urtero bezala, Artziniegako Udalak, urritik maiatzera antolatzen dituen kultur jardueren buletina kaleratu du.
Eskaintzen dituen tailerrak eta ikastaroak haurrentzako, gazteentzako edo helduentzako pintura, joskintza, otzaragintza, 3.adinekoentzako gimnasia, yoga, pilates, zumba salsa, helduentzako euskal dantzak eta mantentze gimnasia dira besteak beste. Tailer eta ikastaro bakoitzak prezio ezberdina dauka erroldatu, ez erroldatu, ikasle edo erretiratu eta langabetuen arteko kuota ezberdinak dituztelarik. Tailer guztiak kultur etxean egingo dira eta ikastaroak kiroldegi edo udaletxe zaharrean. Izen emateko data ezberdinak daude, erroldatuentzat irailaren 26a arte eta ez erroldatuak irailaren 29an. Epez kanpoko izen-emateak ez dituzte onartuko eta plaza baino izen-emate gehiago badaude, plazak zozketaren bidez esleituko dira behin betiko.
Beste jarduera batzuk
Udalak antolatzen dituen tailer eta ikastaroak aparte, badira Artziniegako herrian eskaintzen diren beste jarduera batzuk.
Udal Liburutegiak hurrengo zerbitzuak eskaintzen ditu doan: mailegu zerbitzua, ume eta gazteentzako literatura euskaraz eta gaztelaniaz, multimedia materiala, hemeroteka zerbitzua, WIFI doan, irakurketa sustatzeko jarduerak edo liburu terraza udan. Neguko ordutegia 10:00etatik 13:00etara eta 16:00etatik 20:00ak arte da eta udakoa berriz goizeko 09:00etatik arratsaldeko 15:00ak arte. Bestalde, KZ-Guneak (www.kzgunea.net) ere ikastaroak eta doako Internet-zerbitzua eskaintzen, tutorerik gabe eta Liburutegiaren ordutegi berean.
Euskara klaseak ere egongo dira aurten eta taldeak eratze aldera, izen emateko epea irailaren 26ra arte egongo da zabalik, baita Udalaren beka jasotzeko aukera egongo da. Ikastaroko ordu bakoitzaren prezioa 1,78 eurokoa izango da eta informazio gehiago jaso nahi izanez gero, Aiarako Eskualdeko Euskara Zerbitzuan eskatu beharko da.
Azkenik, Aiarako Txirrindularitza Elkarteak “ziklismoa probatu” kanpaina eskaintzen du, txirrindulariaren segurtasuna eta trebetasuna sustatzeko. Ikastaro honi buruz, laster emango dituzte izen emateko epeen berri.